Энэ сарын 10-ны өдөр Сонгинохайрхан дүүрэгт хүүхдийн талбай руу согтууруулах ундааны зүйл хэрэглэсэн этгээд шээж байхыг харсан иргэн шаадлага тавьснаас болж, зодуулж биедээ хүнд гэмтэл авчээ. Тухайн хэрэг гарах үед хохирогчийн араас гурван этгээд машинаар хөөж, шаардлага тавьсан гэх шалтгаанаар бүлэглэн зоджээ.
Эл хэрэг Сонгинохайрхан дүүргийн цагдаагийн нэгдүгээр хэлтэст цагдаагийн ахлах дэслэгч Лхагвасүрэн гэх мөрдөгч дээр хэрэг бүртгэлийн хэрэг нээгдэж, мөрдөн шалгах ажиллагаа явагдаж байсан аж. Харин тухайн мөрдөгч хохирогчийг хэргийн баримтууд болон бичлэг авчруулж, гомдлоо тат, энэ зодсон гэх хүмүүс чинь олдохгүй байгаа учраас хэргийг чинь хаана гэх зэргээр дарамталжээ. Хохирогчийн хувьд хоёр шүд цөмөрсөн, гуя хэсэгтээ шилээр зүсүүлснээс үүдэн 4см оёдол тавиулсан бөгөөд биедээ олон тооны шархтай учраас хүнд зэргийн гэмтсэн гэх Шүүх эмнэлгийн шинжилгээний хариу гарсан байна. Хүүхдийн тоглоомын талбай руу шээсэн иргэнд шаардлага тавьсан 29 настай Э нь бусдад зодуулсан асуудлыг хуулийн дагуу шидүүлэхээр гомдол гаргаж, мэдүүлэг өгсөн ч цагдаагийн алба хаагч хуулийн дагуу ажлаа хийхгүй байгаад гомдолтой байгаа гэх. Угтаа бол цагдаагийн алба хаагч бүлэглэн зодсон этгээдүүдийг олж тогтоож, хуулийн дагуу хариуцлага хүлээлгэх ёстой байтал хэргийг хаахаар хохирсон иргэнийг удаа дараа дарамталж байгаа асуудал нь хууль бус үйлдэл юм.
Сэтгэгдэл (6)