Ж.Баатарсүрэн нь Утаагүй шахмал түлш нийлүүлэх 17 тэрбумын тендерийг “Аморе Интернешнэл” ХХК-аар дамжуулан авч түүнийгээ “Нөмөр Апп”-аар хүүлсэн дуулианы эзэн юм. “Аморе Интернешнэл” ХХК нь Эдийн засаг хөгжлийн сайд асан Ч.Хүрэлбаатартай шууд хамааралтай бөгөөд тодруулвал захирал Ж.Баатарсүрэн нь Ч.Хүрэлбаатарын төрсөн ахын найз юм.
Тэд нийлж 2010 онд Засгийн газраас утаагүй шахмал түлш нийлүүлэх үйлдвэр барина гээд 17 тэрбм төгрөг авсан хэдий ч түлшний үйлдвэрийн ажил явц дундаа гацаанд орж, сүүлдээ босгосон үйлдвэр ч ашиглагдахгүй сэг болоод дууссан түүх бий. Угтаа энэхүү 17 тэрбум төгрөг Ч.Хүрэлбаатар, Ж.Баатарсүрэн нарын халаас руу ороогүй байсан бол Монголчууд аль 2012 онд хагас коксжсон түлшний үйлдвэртэй байх байсан. Гэтэл түүнийг нь “идчихсэн”.
Энэ эрхмүүдийн санхүүгийн хулгай, улсаа тонох мөнгө идэлт үүгээр дуусахгүй. Үргэлжлүүлээд Ч.Хүрэлбаатарын нөлөөгөөр Ж.Баатарсүрэн нь Оюутолгойн удирдлагуудтай холбогдож тендер түүж, шилдэг ханган нийлүүлэгч болсон байдаг. Товчхондоо, Ж.Баатарсүрэн, түүний эхнэр З.Туул, түүний хүү Б.Гантулга болон охин Б.Сувд нарын хувьцаа эзэмшдэг дараах компаниуд бий. Үүнд:
1. “Мелопат” ХХК
2. “Юнайтедпартс” ХХК
3. “Новатек Интернэшнл” ХХК
4. “Кемекс” ХХК
5. “Кемекс-Интернэшнл” ХХК
6. “Ханбогд Майнинг Транспорт” ХХК
7. “ЭЭС Трий Инженеринг” ХХК
8. “Рекс Эхьюпмент” ХХК
9. “Дриллэкс” ХХК
10. “Ханбогд Майнинг Сервис” ХХК... зэрэг компаниуд нь шохой, химийн бодис, тос, далд уурхайн хэрэглэдэг ган хадаас, төмөр тор, олон төрлийн кабелнууд, цахилгаан тоног төхөөрөмжүүд, гар багажнууд, сэлбэг хэрэгсэлүүд, урсгал засварын материалууд гээд 15.000 орчим нэр төрлийн бүтээгдэхүүнийг Оюутолгой компанид нийлүүлж зөвхөн 2024 онд гэхэд ойролцоогоор 2.000.000.000.000 орчим төгрөгийн орлого олжээ.
Манай улс шиг жижиг зах зээлтэй, жижиг эдийн засагтай ийм улсын хувьд нэг гэр бүлийн эзэмшлийн 10 компани нийтдээ 2 Их наядын орлогыг зөвхөн Оюутолгой компаниас олно гэдэг асар том ар талтай, нууц мэдээллийн сүлжээтэй байна гэсэн үг юм.
Үргэлжлэл бий........
Сэтгэгдэл (22)