ӨӨДГҮЙ ФАКТ: Монгол эрчүүдийн тухай өөдгүй тоо баримтууд

Өнөөдөр орчин цагийн Зэвсэгт хүчин үүсэж хөгжсөний түүхт 105 жилийн ойн баяр, цэрэг эрчүүдийн тэмдэглэлт өдөр болж байна. Монголд бүх эрчүүдэд зориулсан тэмдэглэлт өдөр гэж байхгүй тул гуравдугаар сарын 18-ны өдөр цэрэгт явсан, яваагүй эрчүүд хамт олноороо баярлах, эмэгтэйчүүд аав нөхөртөө тусгайлан баярын зоог хийж өгөх гэх мэтээр тэмдэглэж ирсэн. Тэгвэл бид энэ өдөр зөвхөн баярлаад өнгөрөх бус Монгол эрчүүд эрүүл мэнд, боловсролын асуудал дээр анхаарах шаардлагатайг илтгэх судалгаа, тоо баримтуудыг нэгтгэн хүргэж байна.

• Судалгаагаар Монгол эрчүүдийн 47 хувь нь "Эмчид үзүүлэх дургүй" гэж хариулжээ.
• Монгол улсад түргэн тусламжийн хүртээмж бага байгаагаас болж эрэгтэйчүүдийн дийлэнх нь эмнэлгээс гадуур нас барж байна.
• Монголд нийт эрчүүдийн ердөө 15 хувь нь л дээд боловсрол эзэмшдэг. Гэтэл Их Хурлын 126 гишүүний 74.6% нь эрэгтэйчүүд байна.
• Монгол эрчүүд эмэгтэйчүүдээс 10 насаар бага насалдаг.
• Монголд эрчүүдийн 50 хувь орчим нь тамхи татдаг нь судалгаагаар батлагджээ.
• Монгол эрчүүд бие даах, удирдах өндөр чадвартай, бага зэрэг дарангуйлагч зан чанартай байдаг.
• "Монгол эрчүүдийн өнөөгийн байдал" судалгаанд хамрагдсан эрчүүдийн 49.2% нь шаардлагатай тохиолдолд зодоон хийхээс буцахгүй гэж хариулжээ.
• Эрчүүдийн 30-аас илүү хувь нь долоо хоногт нэг удаа архи, согтууруулах ундаа хэрэглэж байна.
• Цэргийн алба хаасан эрчүүдийн хувиар 50-59 насныхан тэргүүлж байгаа бол нас буурах тусам энэ үзүүлэлт багасаж байна.
• Монгол эрэгтэйчүүд амиа хорлолтоороо дэлхийд 18 дугаарт эрэмбэлэгдэж байна.
• Монголд өдөрт 1-2 эрэгтэй амиа хорлодог.