Эмч П.Батчулуунд холбогдох хэрэгт донор болсон талийгаачийн ар гэрээс мэдээлэл өглөө.
Талийгаачийн ээж хэлэхдээ: 2023 оны 8 дугаар сарын 5-наас зургаан руу шилжих шөнө авто осолд орж Гэмтлийн эмнэлэгт хүргэгдсэн. Осолд орсныг өглөө мэдээд намайг ирэхэд хагалгаа хийсэн, тархины үхжилттэй гэж эмч хэлсэн. Тухайн өдөр Гэмтлийн эмч нар охиноо донор болгоо ч, тархины гэмтэлтэй ямар ч найдваргүй гэсэн. Ийм оноштой өвчтөн 1000-д нэг л сэхдэг гэсэн. Тэр өдөр эмч нар хэд, хэд дуудаж уулзсан. Батчулуун эмч өөрийн биеэр уулзаж элэг, 2 бөөрийг нь өгөөч, шаардлага гарвал эргэн тойрных нь судсыг бас авна гэж хэлсэн. Би маш их эргэлзсэн ч бидэнтэй л адил нэг хүний аав ээж, үр хүүхэд нь бүлтгэнээд хүлээж байгаа болов уу?, бид нар шиг битгий шаналаасай гээд талийгаач охиноо донор болгохыг зөвшөөрсөн. Гэтэл охины минь элэг, бөөрөөр зогсохгүй хөлийнх нь тойг, шаант,чөмөг бүгдийг нь авсан байсан. Төмөр утсаар хөл, гарыг нь оёсон байсан. Оршуулахдаа мэдсэн.
Оршуулсны дараа охины минь шарилыг гаргаж Шүүх эмнэлгээс дахин шинжилгээ хийсэн. Юу авсныг нь баталсан шүү дээ.
Би охиныхоо эрхтэнг зараагүй, хэнээс ч мөнгө нэхээгүй. Талийгаач охин минь өндөлзөхгүй ясгүй ч ядаж арьсыг нь битгий өндөлзүүлээч. Дахиж охины минь тухай битгий яриач, битгий буруутгаач, гуйж байна. Миний охин нас барахдаа 10 гаруй хүнд буян болсон шүү дээ гэсэн юм.
Сэтгэгдэл (3)