“Чайна энержи“-тэй байгуулсан нүүрс худалдах, худалдан авах гэрээнүүд ил боллоо

Засгийн газрын ээлжит хуралдаанаар Төрийн нууцад хамаарах мэдээллийг ил болгох тухай” Засгийн газрын тогтоолын төслийг хэлэлцэн баталлаа. Ингэснээр "Чайна энержи"-тэй байгуулсан нүүрс худалдах, худалдан авах гэрээнүүд болон Гашуунсухайт-Ганцмодны хил холболтын төмөр замын гэрээний мэдээлэл ил болж байна.

Энэ талаар ЗГХЭГ-ын дарга С.Бямбацогт мэдээлэл өглөө. Түүнчлэн, өнөөдрийн ЗГ-ын хуралдаанаар:

-Төсвийн төвлөрүүлэн захирагчийг шинэчлэн батлах тухай” Засгийн газрын 2024 оны 110 дугаар тогтоолын хавсралтад нэмэлт оруулах тухай тогтоолын төсөл

-Монгол Улс, Нэгдсэн Үндэстний Байгууллагын Аж үйлдвэр, хөгжлийн байгууллага хоорондын хөтөлбөрийн төсөл

-Хөгжлийн төслүүдийн талаар авах зарим арга хэмжээний тухай” Засгийн газрын тогтоолын төсөл

-Төрийн нууцад хамаарах мэдээллийг ил болгох тухай” Засгийн газрын тогтоолын төсөл

-Дипломат төлөөлөгчийн газруудын орон тооны хязгаарыг шинэчлэн батлах тухай” Засгийн газрын 2019 оны 442 дугаар тогтоолын хавсралтад өөрчлөлт оруулах тухай

-Төлөөлөгчдийн бүрэлдэхүүн батлах тухай” Засгийн газрын тогтоолын төсөл /Хүний эрхийн төлөв байдлын тухай үндэсний тайланг хамгаалах/

-Газрын тосны бүтээгдэхүүний компанийн нөөц тогтоох тухай” Засгийн газрын тогтоолын төсөл зэргийг хэлэлцлээ.