ЗАСАГТ ОРОХ ЭРХГҮЙ САЙД Т.МӨНХСАЙХАН

             Шинэ Засгийн газрын сайд нарын нэрс цахим орчинд хөвөрсөөр байгаа ч МАН дотроо тохироогоо бүрэн хийгээгүй тул бүлгийн хурлаа хойшлуулсан гэх.
Энэ өдрүүдэд дараагийн засагт орох чинхүү хүсэлтэй гишүүдийн амбиц олон талаар харагдаж бас уншигдаж байгаа. Мөн шинээр сонгогдон парламентад орж ирсэн 30 гаруй гишүүд хуучин сайд нараа дахин сонгохгүй байх албан бичгийг ч Ерөнхий сайд Г.Занданшатарт хүргүүлсэн нь олон нийтийн инээдийг хүргээд авлаа. Учир нь тэдний энэ бичгийн цаадах нарийн учиг буюу сайд болох нууцхан хүсэл зухалзаж байгааг мэргэн ард мэдчхэв бололтой. 
Сайдад хэвээр үлдэх хүн байхгүй нь гэсэн шүүмжлэл ч оргүй хоосон үг биш. Тэрхүү байж боломгүй сайд нарын нэг нь ЭМ-ийн сайд Тогмолын Мөнхсайхан юм. Тэрээр сайдын суудлаа олон тэрбумаар худалдан авч өдгөө Эрүүл мэндийн салбарт хунтайжийн суудалд суусан. 

Хамгийн их анхаарал татаж байгаа асуудал Монгол улсад Эд эртхэн шилжүүлэн суулгах агентлагтай болох төслийн хүрээнд баригдаж эхэлсэн 140 тэрбумын өртөгтэйгөөр сүндэрлэх 11  давхар эмнэлгийг давхарыг нь идэх замаар шууд доошлуулж өдгөө 3 давхар эмнэлэг барих төсөл гээд сууж байна. Улсын төсвөөс 42 тэрбум төгрөг авч барилгын ажил эхлүүлсэн ч салбарын сайд нь төслийн мөнгийг цавчиж 3 эмнэлэг барьна гээд сууж байгаа нь албан тушаалын хэрэг мөн. 
Энэ сайд салбараа шат дараатайгаар цэгцэлнэ гэх боловч үнэндээ эрүүл мэндийн салбарт олон асуудлыг нэг дор шийдэх эмнэлгийн барилгын төслийн мөнгөнөөс халааслан сууна. 

Мөн  өнгөрсөн хугацаанд Эрүүл мэндийн салбарыг тэр чигт нь донсолгосон П.Батчулуун эмчийн хэрэгт сайдын буруу нөлөө шууд хамаарал олон байсан нь салбарынхны эгдүүг хүргэсэн. 
Сайд Т.Мөнхсайхан П.Батчулуун эмчийн хэргийн талаар байр сууриа илэрхийлэхдээ л өөрийгөө хамааралтай гээд хэлчихсэн. Тэрээр шүүхийн шийдвэрийг “Бид буруу зөв гэхгүй”, “Шүүхээ хүндлэх ёстой” гэж хэлсэн. Харин энэ үг Дээд шүүхийн цагаадсан шийдвэрээр түүний бурууг илчилж орхив.
Анхнаасаа салбараа аврах сэтгэлтэй байсан бол сайдын амнаас гарах үг өөр байх байв. Харин П.Батчулуун эмч буруутай тул өршөөлөөс өөр гарах гарцгүй гэсэн үг амнаасаа унгасан нь хуулийн зарим соргог хүмүүсийн хардах үндэслэл болсон байдаг. 
Өнөөдөр тоогоо руугаа нулимсан сайдынхаа үнэн төрхийг салбарныхан нь болон ард иргэд нүдээрээ харж, чихээрээ сонссон. Иймээс түүнийг засагт орох нь битгий хэл эмчийн тангаргаасаа няцах хэмжээнд хүний ёсонд баймгүй үйлдэл гаргасныг нь уучлах аргагүй.  Тэр ч бүү хэл дээрх үйлдлүүд нь Эрүүгийн хэргээр шалгагдах үндэслэл болсон. 

Хэрэв Монгол улсад хууль хэрэгждэг бол Т.Мөнхсайханг суудлаас нь хуулж албан тушаалын байдлаа урвуулан ашигласан, Улсын төсвийн мөнгө шамшигдуулсан, тендер гувчуулсан, зохиомол хэрэг үүсгэсэн, захиалга өгсөн, бусдыг Эрүүгийн гэмт хэрэгт гүтгэсэн зэрэг олон зүйл ангиар шалгаж, хуулийн дагуу хариуцлага хүлээлгэх байлаа. Атал түүнийг мөнгө эрх мэдэл хамгаалсаар байгаа нь нууц биш. 

Сайд Т.Мөнхсайханг Ерөнхийлөгч У.Хүрэлсүхийн хүн гэдэг ч үнэн хэрэг дээрээ үгүй. Намдаа өгсөн их хэмжээний сонгуулийн санхүүжилтийнхээ хариуд сайдын суудалд хэсэг зуур сууж байгаа нэгэн. Одоо түүний суудал ганхсан. Өмнө ч нэг удаа суудлаасаа унаж байсан түүхтэй. Унасан суудалдаа суусан хунтайж салбараа атгах атгаг хүсэлдээ дулдуйдан тоогоо руугаа нулимсан нь эргээд толгой дээр нь буусан гэхэд болно. 
Ёс зүйгүй олон үйлдэл хийснийхээ хариуд Эрүүл мэндийн салбараасаа халин одсон түүнийг сайдаас мултлах цаг хугацааны асуудал болжээ.