Тайландад суугаа Элчин сайд А.Төмөрийн эхнэр амьдарч байсан 17 давхар барилгаасаа унаж амиа алдсан хэрэг олны анхаарлын төвд байна. Талийгаач Л.Орхоны төрсөн эгч Л.Ононгийн мэдээлж буйгаар бол А.Төмөр эхнэрийнхээ цогцсыг ар гэрийнхэнд нь мэдэгдэлгүйгээр чандарлуулж, гар утсыг нь нуусан гэж буй. Тэгвэл ойрын эх сурвалжийн мэдээлснээр Элчин сайд А.Төмөр цагдаа нарыг хэргийн газар ирэхээс өмнө эхнэрийнхээ цогцсыг өргөж, гэрлүүгээ оруулж буй нь тухайн байрны лифтны камерт бичигдсэн байна. Тухайн бичлэгийг талийгаачийн эгч Л.Онон хуулж авсан гэх мэдээллийг эх сурвалж өгч байна. Цагдаа ирэхээс өмнө хэргийн газраас цогцсыг холдуулах нь хуулиар хориотой учраас талийгаачийн ар гэрийнхэн үүнийг сэжиг бүхий үйлдэл хэмээн үзэж байгаа юм байна.
Сэтгэгдэл (10)