Ачаалал ихтэй чиглэлүүдэд нийтийн тээврийн тоог нэмлээ

Наймдугаар сарын 25-ны өдрөөс эхлэн ажлын өдрүүдээр 12 чиглэлд 15 автобус, амралтын өдрүүдээр таван чиглэлд зургаан автобус үйлчилгээнд нэмэлтээр явуулж байгаа талаар НЗДТГ-аас мэдээллээ. 

Мөн хичээлийн шинэ жил эхлэх гэж буйтай холбогдуулан автомашинуудыг улсын дугаарын тэгш, сондгойгоор замын хөдөлгөөнд оролцуулах тухай Нийслэлийн Засаг даргын захирамж гарсан. Энэ хүрээнд Нийслэлийн Нийтийн тээврийн газраас нийтийн тээврээр үйлчлүүлэх зорчигчийн урсгал нэмэгдсэн дараах зургаан чиглэлд есөн автобусыг есдүгээр сарын 1-ээс эхлэн нэмж явуулахаар бэлтгэн ажиллаж байна. Үүнд дараах чиглэлүүд багтажээ:

• Ч:16А "Баруун салаа - Шинэ зам - 5 шар"
• Ч:72 "Богдхан амралт - Ар зайсангийн гудамж - Сүхбаатарын талбай”
• ХО:9 "Био-Сонсголон - 5 шар"
• ХО:11 "Хонхор - Ургах наран хороолол - Офицеруудын ордон"
• ХО:12 "Мал бордох - 5 шар"
• ХО:13 "Баруун түрүү /эцэс/ - 5 шар" гэсэн чиглэлүүд багтаж байна