Ёс зүйн дэд хороонд УИХ-ын Гишүүн М.Нарантуяа Нара-д хариуцлага хүлээлгэх тухай 48 иргэн гомдол мэдүүлсэн байна. Иргэд Засгийн газар иргэд олон нийттэй харилцах төвд 10, утсаар хоёр, цахимаар 34, бичгээр хоёр уг гомдлыг мэдүүлжээ. Эдгээр гомдлууд нь “Олон нийтийн сүлжээгээр бусдыг гүтгэн доромжилсон 31.3 хувь, төрийн албаны нэр хүндийг гутаасан 20.8 хувь, өсвөр үе залуучуудад сөрөг үлгэр дуурайлал үзүүлсэн 16.7 хувь, Гишүүний нэр хүнд албан тушаалын байдлаа урвуулан ашиглан бизнесийн байгууллагын бараа бүтээгдэхүүнийг сурталчилсан 12.5 хувь”-ийг эзэлжээ. Ирүүлсэн гомдлын дийлэнх нь буюу 62.5 хувь нь ёс зүйн дэд хороогоор УИХ-ын Гишүүн М.Нарантуяа Нара-г хэлэлцүүлж, сахилгын хариуцлага ноогдуулах, 35.4 хувь нь УИХ-ын Гишүүнээс эргүүлэн татахыг хүссэн байна. Ийнхүү УИХ-ын Гишүүн М.Нарантуяа Нара маргааш ёс зүйн хороогоор орохоор болов.
Сэтгэгдэл (6)