Гадаад харилцааны сайд Б.Батцэцэгийн авлига, албан тушаалаа ашигласан булхай, заль бүхнийг сэтгүүлчид баримттайгаар дэлгэсээр байна. Хувийнхаа компанийн нягтлан бодогч Б.Сувдмаагийн нэр дээр компани байгуулж төрийн компанид 41.5 тэрбум төгрөгийн барааг ямар ч тендергүйгээр шахсаныг нь сэтгүүлч С.Буддрагчаа баримтаар нотолчихлоо. Ойрын шадар хүн Н.Цэрэндолгор, Э.Ариунгэрэл нарыг гадаад паспорт хэвлэдэг төрийн онц чухал обьектод эзэн суулгачихаад тэрбум тэрбумаар нь хэрхэн мөнгө угаасныг сэтгүүлчид дэлгэсээр байна. Гадаад харилцааны яамнаас хүүгийнхээ компани руу мөнгө шилжүүлсэн баримтууд нь ч ил болчихлоо.
Б.Батцэцэг сайдын талаар ийм ноцтой баримтууд дэлгэгдчихээд байхад УИХ-ын гишүүд таг чиг. УИХ-ын дарга асан Д.Амарбаясгалан л “Ажлаа өгөөд шалгуул” гэж шаардсаныг эс тооцвол хэн нь ч гоё дээлтэй, гоё нүдтэй сайдын эсрэг үг унагаж зүрхэлсэнгүй. Авлигатай тэмцэнэ гэж чанга дуугардаг, “чөлөөлөлт”, “шударга ёсны илд” ярьдаг томчууд ч сонсоогүй мэт таг чиг царайлцгааж байна. Үнэнийг хэлэхэд Гадаад харилцааны ганган дээлтэй сайд эмэгтэй төрийн томчуудаас эхлээд УИХ-ын гишүүдийг ташраар нь “гөлөг” болгочихож. Гишүүд өөр зуураа “Б.Батцэцэгийн талаар юм яривал алуулна шүү, хонгилоор чирэгдэнэ шүү” хэмээн ярьцгааж буй тухай мэдээ төрийн ордоны тамхины цэгээс дуулдаж байна.
Чухам яасан болоод энэ сайд эмэгтэй монгол төрд ингэж айхтар дархлагдчихав аа? УИХ-ын гишүүдийг үг хэлж чадахгүй болтол нь нам дарсан тэр их хүч Б.Батцэцэг сайдын хаанаас гараад байна аа?
Сэтгэгдэл (6)