“Цемент шохой“ ХХК-ийн гүйцэтгэх захирал Д.Баттүвшинг үүрэгт ажлаас нь чөлөөллөө

Хөтөлийн "Цемент шохой" ХХК-ийн гүйцэтгэх захирлын үүрэг гүйцэтгэгч Д.Баттүвшинг ажлаас чөлөөлөх тогтоолыг /2025.09.02/ Төлөөлөн удирдах зөвлөлөөс гаргажээ. Тодруулбал, тус компанийн Гүйцэтгэх захирлын үүрэг гүйцэтгэгч Д.Баттүвшинг албан үүргээ хангалтгүй гүйцэтгэсэн, хөдөлмөрийн аюулгүй байдал, эрүүл ахуйн горимыг удаа дараа зөрчсөн тул 2025 оны есдүгээр сарын 8-ны өдрөөр тасалбар болгон, үүрэгт ажлаас нь чөлөөлсөн байна. Улмаар өнөөдөр буюу есдүгээр сарын 9-ний дотор Ажил хүлээлцүүлэх ажлыг холбогдох хууль, журмын дагуу зохион байгуулахыг Ажлын хэсэгт даалгажээ.