УИХ-ын Ёс зүйн дэд хороо өнөөдөр хуралдаж, УИХ-ын гишүүн М.Нарантуяа-Нарагийн гаргасан ёс зүйн зөрчилтэй холбоотойгоор иргэд, олон нийтээс ирүүлсэн гомдлыг хэлэлцэх байсан. Гэвч Ёс зүйн дэд хорооны хурал ирц хүрээгүй учир хойшлогдлоо. Энэ тухайд Ёс зүйн дэд хорооны дарга, УИХ-ын гишүүн Б.Хэрлэн мэдээлсэн юм. Тэрээр УИХ-ын гишүүн М.Нарантуяа-Наратай холбоотой ирсэн 48 гомдлын 3 нь бие биеээсээ хуулчихсан юм шиг ижилхэн байсан гэв.
Харин УИХ-ын гишүүн М.Нарантуяа-Нара: Донгодуулах хуралдаа ирлээ. БОР ГЭРТЭЭ БОГД, ХАР ГЭРТЭЭ ХААН гэж үг бий. "Намайг олон нийтийн сүлжээгээр бусдыг доромжилж нэр төр, алдар хүндэд халдсан, төрийн албаны нэр хүндийг унагаасан, өсвөр насны залууст сөрөг үлгэр дуурайл үзүүлсэн, УИХ-ын гишүүний нэр хүнд, эрх мэдэл, албан тушаалын байдлаа урвуулан ашиглаж бизнесийн байгууллагын бараа бүтээгдэхүүнийг сурталчилсан гэдэг агуулгатай 48 гомдол ирсэн байна" гэлээ
Сэтгэгдэл (5)