Замын хөдөлгөөний аюулгүй байдлыг хангах, иргэдийн эрүүл мэнд, амь насанд учирч болзошгүй эрсдэлээс урьдчилан сэргийлэх зорилгоор скүүтэр, мопед болон цахилгаан дугуйг замын хөдөлгөөнд оролцуулахыг түр хугацаанд хориглохоор шийдвэрлэлээ.
Тодруулбал, дээрх төрлийн тээврийн хэрэгслүүдийг энэ оны дөрөвдүгээр сарын 10-ны өдрийг хүртэлх хугацаанд замын хөдөлгөөнд оролцохыг хориглож байгаа юм. Энэхүү арга хэмжээ нь замын нөхцөл байдал, цаг агаарын онцлог, хөдөлгөөний аюулгүй байдлыг харгалзан авч хэрэгжүүлж буй зохицуулалт юм.
Иймд иргэдийг дээрх хугацаанд скүүтэр, мопед, цахилгаан дугуйг нийтийн эзэмшлийн авто зам болон явган хүний зам дээр ашиглахгүй байхыг холбогдох байгууллагаас анхаарууллаа.
Холбогдох байгууллагуудын зүгээс дээрх шийдвэрийн хэрэгжилтэд хяналт тавьж ажиллах бөгөөд иргэдийг замын хөдөлгөөний дүрмийг чанд мөрдөж, аюулгүй байдлаа хангахыг зөвлөж байна.
Сэтгэгдэл (0)
Сэтгэгдэл бичигдээгүй байна