Өмнөд Солонгосын Сөүл хотын төв дүүргийн шүүх өнөөдөр тус улсын ерөнхийлөгч асан Юн Сок Ёлийн гэргий, тэргүүн хатагтай асан Ким Гён Хи-д холбогдох хэргийн анхны ялын шийдвэрийг танилцууллаа. Энэхүү шүүх хурал нь улс төр, хууль зүйн хүрээнд өндөр анхаарал татсан томоохон үйл явдалд тооцогдож байна.
Ким Гён Хи нь хувьцааны үнийг зохиомлоор өсгөсөн, хууль бус хандив, үнэтэй бэлэг авсан, улс төрийн санхүүжилтийн хууль зөрчсөн зэрэг хэд хэдэн ноцтой зүйл ангиар буруутгагдаад байсан юм. Тодруулбал, автомашины дилер компанийн хувьцаатай холбоотой зах зээлийн манипуляц, шашны байгууллагатай холбогдсон хууль бус хандивын асуудал мөрдөн шалгалтын төвд байв.
Шүүхийн шийдвэрийг олон нийтэд шууд үзүүлэх зөвшөөрөл олгосон нь Өмнөд Солонгосын түүхэнд ховор тохиолдол бөгөөд шүүхийн ил тод байдлыг хангах зорилготой хэмээн тайлбарлагдсан байна.
Прокурорын зүгээс Ким Гён Хид урт хугацааны хорих ял оноох санал гаргасан бөгөөд шүүхийн шийдвэр нь цаашид давж заалдах шатанд шилжих боломжтой. Хэрэв ял шийтгэл эцэслэн батлагдвал Өмнөд Солонгосын түүхэнд ерөнхийлөгч асан болон түүний гэргий хоёул ял шийтгэл хүлээсэн анхны тохиолдол болох юм.
Энэхүү хэрэг нь улс төрийн ёс зүй, эрх мэдэлтэй хүмүүсийн хариуцлагын асуудлыг дахин хурцаар тавьж, олон нийтийн дунд өргөн хэлэлцүүлэг өрнүүлээд байна.
Сэтгэгдэл (0)
Сэтгэгдэл бичигдээгүй байна