Гэрээсээ гараад сураггүй алга болсон 40 настай эмэгтэйг гурван хоногийн дараа эсэн мэнд олж, ар гэрт нь хүлээлгэн өгчээ

Ховд аймгийн Манхан сумын Баянгол багийн “Таван түрүүн эрэг” гэдэг газар 40 настай, эмэгтэй “Т” 01.11-ний өдрийн 05:00 цагийн үед гэрээсээ явган гараад сураггүй болсон байна.

 Уг мэдээллийг иргэн алга болсноос хойш хоёр хоногийн дараа ар гэрийнхэн нь ОБЕГ-т мэдэгджээ. Улмаар 01.14-ний өдөр тус аймгийн Онцгой байдлын газрын Манхан сум дахь Эрэн хайх, аврах бүлгийн алба хаагчид, Цагдаагийн хэсгийн алба хаагчид, Мэргэжлийн ангийнхан, ар гэрийнхэн малчин Т /40 настай, эмэгтэй/-г 01.14-ний өдрийн 08:55 цагаас зохион байгуулж, өдрийн 10:20 цагт гэрээс нь баруун урд зүгт 22 км-ын зайд Манхан сумын “Таван түрүүн хөх сайр” гэдэг газраас эсэн мэнд олж, ар гэрийнхэнд нь хүлээлгэн өгсөн байна.