Аж үйлдвэр, эрдэс баялгийн яамны Газрын тосны бодлогын хэрэгжилтийг зохицуулах газрын дарга Ч.Хишигдалай, АМГТГ-ын дарга П.Баянбаатар нар шатахуунтай холбоотой цаг үеийн асуудлаар өнөөдөр (2025.12.23) 11.00 цагт мэдээлэл хийнэ. Хэвлэлийн хурал тус яамны хурлын зааланд болно.
Шатахууны үнэ нэмэгдсэн гэж зарим сайт өчигдөр мэдээлжээ. Аж үйлдвэр, эрдэс баялгийн яамнаас энэ талаар тодруулахад, Евро-5 стандартын АИ-92 3080 төгрөг, энгийн АИ-92 хуучин үнээрээ байна гэв.
АИ-92 АВТОБЕНЗИНИЙ ИМПОРТ, ТЭЭВЭРЛЭЛТИЙН НӨХЦӨЛ БАЙДАЛ
2025 оны 12 сарын 22-ний өдрийн байдлаар Улаанбаатар төмөр замын хэмжээнд 150 вагон буюу 9000 тонн АИ-92 автобензин (манай улсын 4 өдрийн хэрэглээ) байна. Буух өртөөдөөр,
- Толгойт өртөө – 42 вагон
- Аршаант өртөө – 13 вагон
- Улаанбаатар өртөө – 6 вагон
- Эрдэнэт өртөө -5 вагон
- Дархан өртөө - 6 вагон
- Сайншанд өртөө – 3 вагон тус тус байна. Мөн буух өртөөдийг чиглэн замд 75 вагон Аи-92 автобензин орж ирж байна.
2025 оны 12 дугаар сарын 01-22-ний өдрүүдэд нийт 45932 тонн Аи-92 автобензин, 960 тонн Аи-95 автобензин, 133889 тонн дизель түлш, ТС-1 онгоцны түлш 6229 тонн тус тус орж ирээд байна.
Сэтгэгдэл (0)
Сэтгэгдэл бичигдээгүй байна