Иргэд: 7 хоногийн дотор шатахуун, дэд сайд нарын томилгоог шийдэхгүй бол тэмцлийн дараагийн хэлбэрт шилжинэ

Иргэд бензин шатахуун, цалин, татварын асуудлаар өнөөдөр Төрийн ордны зүүн хаалга дээр жагсаж, УИХ дахь бүлгүүдэд шаардлага хүргүүлж байна.

Тэд 7 хоногийн дотор шатахууны асуудлыг шийдэж, салбарын сайдад нь хариуцлага оногдуулах, дэд сайд нарын томилгоог цуцлахгүй бол тэмцлийн дараагийн хэлбэрт шилжинэ гэсэн байр суурийг илэрхийлсэн юм. УИХ дахь МАН-ын бүлгийн дарга Ж.Батжаргал болон АН-ын бүлгийн ажлын албаны дарга Б.Энхмөнх нарт шаардлагыг гардуулж өглөө. Иргэдийн амьдрал өдрөөс өдөрт дордож, 12-36 цаг шатахуунд дугаарлаж, эмнэлэгт ор олдохгүй, аж ахуйн нэгжүүд татварын дарамтад орж, дансаа хаалгаж байгааг шийдэж чадахгүй байж ганц, хоёрхон хонгийн дотор 16 дэд сайд томилж байгаа эсэргүүцэж байна. Шаардлагад:

1. Шатахуун асуудлыг 7 хоногийн дотор шийдэж, салбар хариуцсан сайдыг огцруулах
2. Төгрөгийн ханшийг чангаруулж инфляцыг бууруулж, үнэн бодитой судалгаа тооцооллыг олон нийтэд мэдээлэх
3. Г.Занданшатарын Засгийн газрын үйл ажиллагаанд дүн тавьж, нэн даруй огцруулах
4. Дэд сайд нарыг буцаан татах

Иргэдийн шаардлагыг хэрэгжүүлж нийгэм, эдийн засгийн нөхцөл байдлыг 14 хоногийн дотор бодитой сэргээхгүй бол тэмцлийн хурц хэлбэрт шилжинэ гэдгээ илэрхийлээ.