БНХАУ-ын Өвөр Монголын Өөртөө Засах Орны Хянган аймаг дахь Рашаан автозамын шалган нэвтрүүлэх боомт 11 дүгээр сарын 24-ний өдрөөс эхлэн байнгын горимоор ажиллах болсон талаар Синьхуа агентлаг мэдээлжээ.
БНХАУ-Монгол Улсын хил дээр байх Рашаан (Монгол Улсын талаас Сүмбэр боомт) өмнө нь жилд 8 сар буюу жил бүрийн 04 дүгээр сарын 01-нээс 11 дүгээр сарын 30-ны өдрийг хүртэл түр горимоор ажилладаг байсан бол ийнхүү ӨМӨЗО байнгын горимоор ажилладаг, хуурай замын 4 шалган нэвтрүүлэх боомттой болж байна.
Рашаан боомт нь ӨМӨЗО-ны Хянган аймагт орших бөгөөд сүүлийн жилүүдэд энэ аймаг Рашаан боомтын дэд бүтцийг сайжруулахад зориулан 98,87 сая ам.доллар зарцуулсан байна. Мөн Рашаан ШНБ дээр БНХАУ-Монгол Улсын хил орчмын бүсийн оршин суугчдын хоорондын худалдааны бүсийг байгуулжээ.
Эх сурвалж: Синьхуа
Сэтгэгдэл (0)
Сэтгэгдэл бичигдээгүй байна