Монголын энхийг сахиулагчид буудуулсан дүрвэгчид тусламж үзүүлж НҮБ-д хүлээлгэн өгчээ

Мухаммэд Мажар гэх 39 настай иргэн баруун хөлийн шилбэндээ буудуулж хугарснаас хойш 1 жил өнгөрч, эмнэлгийн тусламж авч чадаагүй өнөөг хүртэл хөл нь эдгэрээгүй байгаа талаараа захидал бичин тус бүс нутагт үүрэг гүйцэтгэж буй "Зэв" баазаас тусламж хүсчээ. Манай энхийг сахиулагчид түүнд эмнэлгийн анхан шатны тусламжийг цаг алдалгүй үзүүлж НҮБ-ийн дүрвэгсэдийн асуудал хариуцсан байгууллага (UNHCR)-ийн удирдлага, ажилтангуудад хүлээлгэн өгсөн байна.