Хүн сурахаа хэзээ ч зогсоож болохгүй хэмээн инээмсэглэн ярьж буй энэ бүсгүйг Отгонбаатарын Номин гэдэг. Тэр одоо 27 настай. Орос, Англи хэлтэй, МУИС-ийг Эрхзүйч мэргэжлээр төгссөн, одоо Лондонд "Олон улсын эрх зүй, хүний эрх" чиглэлээр магистрт суралцаж буй. Мөн тэрээр Бизнесийн удирдлагын магистр зэрэгтэй. Залуу байгаа дээрээ сайн суралцаж, ажиллаж,бүх нөөц боломжоо ашиглаж чадвал өтөл насанд жаргана хэмээн тэр өдөр бүр өөрийгөө дайчилдаг. Одоо тэрээр өөрийн гэсэн хувцас загварын "Calin брэндээ" үүсгэн байгуулаад 3 жил болж буй. Мөн үнэт эдлэлийн “Aora jewerly” гэх брэндийг шинээр бий болгож буй.
Түүний аав аймгийн хурц арслан Г.Отгонбаатар юм. Бөх сонирхогч болон бөхчүүд түүнийг гоё Отгоо хэмээн нэрийддэг. Мөн нагац өвөө болон аав нь уяач бөгөөд тэрээр багаасаа үндэсний өв соёл, зан заншилтайгаа ойр өссөн. Тиймдээ ч түүний хамгийн дуртай, ач холбогдол өгөн тэмдэглэдэг баяр бол Цагаан сар, Үндэсний их баяр наадам юм. Аав нь спортын хүн учир тэр ааваасаа тэсвэр, хатуужил, тууштай байдлыг суралцсан бол ээжээсээ зарчимч, хөдөлмөрч байдал хийгээд хувцас загварын мэдрэмжийг үлгэрлэн суралцсан байна. 15 настайгаасаа анх ажил хийж эхэлсэн түүний амжилтын түүх болоод өөрийн баримталдаг зарчим, үзэл бодлынх нь тухай хуваалцсан юм. Ингээд манай сайтын бэлтгэн хүргэдэг “MYCAREER” ярилцлагын хөрөг нэвтрүүлгийн шинэ дугаарыг хүлээн авна уу?
Сэтгэгдэл (5)