Өчигдөр УИХ-ын Эдийн засгийн байнгын хорооны хуралдаан боллоо. Тус хуралдаанаар Засгийн газраас өргөн мэдүүлсэн Монгол Улс болон Евразийн эдийн засгийн холбоо, түүний гишүүн орнууд хооронд байгуулах худалдааны түр хэлэлцээрийн төслийг хэлэлцсэн юм.Энэ үеэр УИХ-ын гишүүн О.Номинчимэг өөрийн байр сууриа илэрхийллээ.Тэрээр: ХХАХҮ-ийн сайд Ж.Энхбаяр маш хариуцлагагүй мэдэгдлийг өчигдөр хийсэн. Тамхин бүтээгдэхүүн, тамхийг гаалийн татвараас 30 хувь чөлөөлчхөөд байна. Та хэд эдийн засгаа харж л байгаа байх. Тамхинаас шалтгаалсан нас баралт нийт нас баралтын 17 хувийг эзэлж байна. 4300 хүн нас барж, тамхины хэрэглээнээс шалтгаалсан эдийн засгийн алдагдал 801 тэрбум буюу ДНБ-ий 2.1 хувьтай тэнцэж байгаа. Евразийн эдийн засгийн холбооны гишүүн улс орнуудаас манай импортын тамхины 35 хувь нь орж ирдэг. Гэтэл импортын тамхинаас хамааралтай энэ зах зээлийг хамгаалахгүй тамхины гаалийн 30 хувийн татвараа тэглэх гээд байгаа юм бэ. Онцгой албан татвараа нэмчихнэ гээд байгаа. Гэтэл онцгой албан татварыг улс улсаар нь ялгамжтай тогтоож болохгүй. Тиймээс татвараас чөлөөлөх барааны жагсаалтаас тамхийг хасах хэрэгтэй гэсэн юм.
Сэтгэгдэл (0)
Сэтгэгдэл бичигдээгүй байна