Баянзүрх дүүргийн орон сууцад гал гарч дөрвөн иргэн угаартаж эмнэлэгт хүргэгджээ

Баянзүрх дүүргийн 2 дугаар хороонд утаа гараад байна гэсэн дуудлагыг 23:32 цагт ОБЕГ хүлээн авчээ. 

Улмаар Чингэлтэй дүүргийн Онцгой байдлын хэлтсийн 10 дугаар ангийн алба хаагчдыг очиход, тус байрны 1 давхрын агааржуулалтын хоолой шатаж их хэмжээний утаа 11, 12 дугаар давхарт хуралдсан байсныг агаарыг сэлгэн ажиллаж унтраасан байна. Тухайн байрны 12 давхрын оршин суугч иргэн О /27 настай, эрэгтэй/, У /22 настай, эмэгтэй/, Т /1 настай, эмэгтэй/, мөн хаяг тодорхойгүй 16 настай, эрэгтэй нар угаартсан байсныг НЯТТ-ын их эмчид хүлээлгэн өгчээ. Утаажилтын бүсээс 45 /том хүн-37, хүүхэд-8/ гаргасан гэж ОБЕГ мэдээллээ.