Казахстанд Silk Way Star ая дууны уралдааны сүүлчийн шат болоход хоёрхон хоног үлдлээ. Сүүлчийн шатанд Монголын дуучин И.Мишээл шалгаран үлдсэн.
Шалгаруулалт нь хоёр өөр зарчмаар оноо тоолох болно. Нэг нь ая дуугаа хэр чадварлаг дуулсныг шүүгч нар шүүнэ. Нөгөө нь үзэгчдийн саналыг тооцно. Энэ хоёр шалгаруулалт ижил 50:50 хувийн үнэлэмжтэй юм.
Гэвч харамсалтай нь дуучиндаа улсаас нь санал өгөх боломжгүй юм байна. Өөрөөр хэлбэл, Мишээлд Монголын нутаг дэвсгэрээс санал өгөх боломжгүй. Харин бусад улсад амьдарч, ажиллаж, аялж буй иргэд санал өгөх боломж нээлттэй ажээ.
Тиймээс Дэлхий даяар тархан суугаа монголчуудыгаа саналаа өгөхийг Мишээл сошиал хуудсаараа дамжуулан хүслээ.
Сүүлчийн шатанд өөрийн зохиосон дуугаа дуулах ёстой. Мишээл “МОНГОЛ” нэртэй шинэ дуугаа дуулахаар бэлдэж байгаа ажээ.
Silk Way Star шоу нэвтрүүлгийн сүүлчийн шатыг энэ сарын 22-ны 23:00 цагт UBS телевиз шууд дамжуулах юм байна.
Сэтгэгдэл (3)