Чөлөөт бөхийн "U20" ангиллын ДАШТ наймдугаар сарын 17-24-ний өдрүүдээр Болгарын Самоков хотноо болж байна.
Эмэгтэйчүүдийн 68 кг-ын жинд зодоглосон Э.Одзаяа Украйны бөх, "U20" ангиллын Европын аварга, "U17" ангиллын ДАШТ-ий мөнгөн медальт Олександра Рыбакыг 9:8 оноогоор буулган авч хүрэл медаль хүртлээ.
Тэрээр эхний барилдаануудад Өмнөд Солонгосын Ён Вү Сон, Хятадын бөх U17 ангиллын дэлхийн аварга Киү Вэнжин, Анголын Жозет Мавунгу нартай барилдахдаа 31 оноог авч, ганц ч оноо алдалгүй илүүрхэн ялалт байгуулсан юм.
Э.Одзаяа гурван жилийн өмнө 17 хүртэлх насныхны Азийн АШТ-д түрүүлж, нондин жил насанд хүрэгчдийн УАШТ-ий 68 кг-ын жинд мөнгөн медаль хүртсэн билээ.
Сэтгэгдэл (0)
Сэтгэгдэл бичигдээгүй байна