The MongolZ-ын оролцох Зүүн Өмнөд Азийн Valorant Challengers тэмцээн өнөөдөр эхэлнэ

Valorant Монголын Valorant-ын хамгийн том төлөөлөл The MongolZ баг $50,000 (173.7 сая төгрөг) шагналын сантай Зүүн Өмнөд Азийн "VALORANT Challengers" тэмцээнд тоглоно.

$50,000 (173.7 сая төгрөг) шагналын сантай "VALORANT Challengers 2025 Southeast Asia: Split 2" тэмцээн өнөөдөр эхэлнэ.

12 баг оролцох тэмцээний дөрвөн баг нь өмнөх "Split 1" тэмцээний хасагдах шатнаас эрхээ авсан ба тэдний нэг нь The MongolZ байлаа.

Тэмцээний B хэсэгт багтсан тэд өнөөдөр 21:00 цагаас Тайландын "Z11" багтай тоглоно.

• The MongolZ баг 2025 оны Зүүн Өмнөд Азийн "VALORANT Challengers" тэмцээнд тоглоно
• The MongolZ зүүн Өмнөд Азийн "VALORANT Challengers" тэмцээний хоёрдугаар шатанд шалгарлаа
• VALORANT-ын Зүүн Өмнөд Азийн Challenger тэмцээнд Монголын гурван баг оролцоно

Энэ оны нэгдүгээр сард болсон Split 1-т 11-12-р байрыг эзэлсэн The MongolZ хасагдах шатанд Тайландын "Team NKT" багийг 2-1 (Haven 13-10, Ascent 7-13, Fracture 13-9) харьцаагаар хожиж Split 2-ын эрхийг авсан юм.

Энэхүү B-Tier түвшний "VALORANT Challengers"-ын гурван цуврал тэмцээнд оролцсон багууд оноо цуглуулж хамгийн өндөр оноо авсан баг нь A-Tier түвшний "VCT Ascension Pacific" тэмцээнд оролцох юм.

Одоогоор Монгол баг A-Tier түвшний тэмцээнд оролцсон удаагүй билээ.