Цагаан сараар Монголын цахилгаан холбоо ХК-ийн ажилчид ажил хаялт зарлах гэж байна. Энэ компанид юу болоод байна вэ? Ажилдаа ирдэггүй гүйцэтгэх захирлаар ажилладаг Б.Чинбат захирал инженер, техникийн ажилчид нь явж чаддаггүй албан томилолтоор өөрийнх нь тушаал гаргаж ажилд томилсон хамаарал бүхий этгээдүүд болон дарга нараа дэгдээхэй мэт дагуулаад тогтмол явдаг гэнэ. Тэрбээр ажилдаа нэг ирэхээрээ улс төрийн хүрээлэнгийнхэнтэйгээ өөрийн албан өрөөндөө архидан хөлчүүрч, зугаацан суудаг гэх.
Тэр ч бүү хэл өөртөө болон тэдэндээ томилолт, урамшуулалын мөнгийг Улсын төсвөөс давхардуулж олгодог нь нотлогдож, Улсын аудитын газраас акт тавиулсан байдаг. Хамгийн их анхаарал татаж байгаа нь 2024 онд зөвхөн виски худалдан авахад олон сая төгрөг зарцуулж, аудитаас дахин акт тавиулж байжээ. Татвар төлөгчдийн мөнгөөр архидан согтуурч, зугаацаж байдаг үйлдлүүд нь энгийн ажилчдынх нь дургүйцлийг хүргэдэг байна.
Сүүлд тус газарт 2024 онд аудитын байгууллага 29 зөрчилд акт тавьж байсан. Актаар нь МЦХ-ны хөрөнгө мөнгө, 2 газар, тоног төхөөрөмжүүд, ажилчдынх нь зуслан бүхэлдээ алга болсон нь илэрсэн байдаг.
Энэ байгууллагыг өөрийн гэр шигээ болгосон Б.Чинбатад арга хэмжээ авахгүй өдийг хүрсэн нь намынхантай нь холбоотой. Салбарын сайд нь АН-аас томилогдсон болохоор хүч хүрэхгүй л болов уу. Одоо сайдынхаа оруулсан шалгалтыг гурилдаж байгаа сурагтай. Хоорондоо АН 2 жилийн дараа л бүр мөсөн арчигдана гэлцэж, хөхөрцгөөдөг гэнэ.
Санхүүгийн тайланг энэ компанийн ажилчид нь мэдэхгүй хараагүй олон жилийн нүүрийг үзжээ. Б.Чинбат захирлын хууль бус үйлдлээ нуун дарагдуулах гэж үйлээ үзэж байж Хөвсгөлийн гаралтай гишүүнээ тендер гувшуулах замаар тэжээсээр иржээ. Ингэхдээ Хөвсгөлд шаардлагагүй, судалгаа ч хийгдээгүй бүтээн байгуулалтын компаниас хийж байгаа гэх нэрэн дор Монголын цахилгаан холбоо ХК-ийн инженер, техникчид ундуйцдаг гэх. Монгол Улсад 5G оруулаад хэдхэн монопол тарифтай үүрэн опператоруудыг бодлогоор нь тэнцвэржүүлж болох. Мөн хиймэл дагуулыг Засгийн газраас шийддэггүй юм аа гэхэд нэгэнт орж ирсэн гаднын компаниудтай хамтарч Монгол улсаа бүхэлд нь интернетэд холбох, хаана ч утасны сүлжээ барьчих болгочих боломж олон.
Өөрийнх нь тухай сөрөг мэдээ гарахаар Б.Чинбат захирал Монголын цахилгаан холбоо ХК-г ашигтай ажиллаж байгаа гэх мэтээр төлбөртэй мэдээг зарим нэр бүхий сайтуудад байршуулчихна. Харин төлбөртэй мэдээг уншсан тус газрын ажилчид сүүлийн 4 жилд цалингаа нэмүүлж чадаагүй байгаа гэх бөгөөд арга ядаад цагаан сараар ажил хаяхаар болж, харьяа яамандаа өргөдөл өгчээ.
Б.Чинбат захирал өгдөг ярилцлага шигээ, хөлсний бичээчээр бичүүлдэг ярилцлага шигээ томилогдсоноосоо хойш нэг ч удаа ашигтай ажиллаж үзээгүй гэдгийг ажилчид нь дуу нэгтээ нотолдог байна. Тэр ч бүү хэл жил бүр хэдэн тэрбумаар тоологдох алдагдалтай ажилласан. “Монголын Цахилгаан Холбоо" компани 2022 оны эхний хагас жилд 2.2 тэрбум төгрөгийн алдагдалтай. Эхний хагас жилийн алдагдал нь өмнөх оны мөн үеийнхээс 394 хувиар өссөн үзүүлэлттэй. Иймээс "Монголын Цахилгаан Холбоо" компанийн өрийн хэмжээ жилийн дотор 40.3 хувиар нэмэгдсэн байдаг.
Тэгэхээр энэ байгууллага чухам яагаад ийм сул дорой, олон жил дараалан хэдэн тэрбумын алдагдалтай ажиллаж байгааг холбогдох яам нь шалгаж хариуцлага хүлээлгэдэггүй юм гэхэд ядаж түүнд албан тушаалын хариуцлага хүлээлгэх цаг болсон.
Б.Чинбат болон түүний тушаалаар ажилд авсан хамаарал бүхий этгээдүүдийн олон жил Улсын төсвийн мөнгө үрэн таран хийсэн. Тэд үгсэн хуувилдаж “Монголын Цахилгаан Холбоо”-г албаар алдагдалтай ажиллуулж, дампууруулж байгаад хувьчлал нэрээр авах гэсэн санаархал байж ч магадгүй! Энэ мэтийн Төрийн өмчит компаниудын алдагдлыг цагийн цагт л татвар төлөгчид нөхөж ирсэн түүхтэй.
Тус газрын асуудал хэмжээнээсээ хэтэрч, барьж дийлэхгүйдээ хүрвэл Монголын цахилгаан холбоо ХК-ийн гүйцэтгэх захирал Б.Чинбат ажлаа өгөөд ч асуудлыг шийдэхгүй. Тэр хамаарал бүхий этгээдүүдийн хамтаар халаас дүүрэн ажлаа хүлээлгэн өгөх нь. Монголын цахилгаан холбоо ХК-ийн гүйцэтгэх захирал Б.Чинбатын хууль бус үйлдэл энэ хүрээд дуусахгүй. Цааш үргэлжилнэ.
Сэтгэгдэл (1)