"Кибер халдлага, зөрчилтэй тэмцэх нийтийн төв" УТҮГ болон Аюулгүй байдал судлалын хүрээлэн өнөөдөр /2025.02.24/ хамтын ажиллагааны санамж бичигт гарын үсэг зурлаа.
Олон улсын цахилгаан холбооны байгууллагаас гаргадаг кибер аюулгүй байдлын индексийн үнэлгээгээр Монгол Улс 194 орноос 103-р байранд эрэмбэлэгддэг бөгөөд “бэхжиж буй” түвшинд хамаардаг.
Цахим хөгжил, инновац, харилцаа холбооны яам 2025 оны онцлох 10 ажлын нэгээр
кибер аюулгүй байдлын индексийг “бэхжиж буй” түвшнээс “дэвшиж буй”
түвшинд хүргэх зорилтыг тавин ажиллаж байна.
Энэ ажлын хүрээнд “Кибер халдлага, зөрчилтэй тэмцэх нийтийн төв” УТҮГ,
Аюулгүй байдал судлалын хүрээлэн хооронд мэдээлэл, харилцаа холбооны
технологийн хөгжлөөс үүсэх сөрөг нөлөө, түүнээс үндэсний аюулгүй байдалд учруулж болох эрсдэлийг тодорхойлоход чиглэсэн судалгаа шинжилгээг
хийх, улмаар кибер аюулгүй байдлын судалгааны чиглэлээр үндэсний
чадавхыг бэхжүүлэх зорилгоор хамтран ажиллахаар боллоо.
Сэтгэгдэл (0)
Сэтгэгдэл бичигдээгүй байна