Хүүхдийн тусламжийн 108 утасны үйлчилгээний төв нь хүүхдийн санал бодлыг утас, чат, мессежээр харилцах, зөвлөгөө, мэдээлэл өгөх, хүүхдийн эсрэг гэмт хэрэг, зөрчил, хүчирхийлэл, эрсдэлт нөхцөлд байгаа хүүхдийн талаарх мэдээ, мэдээллийг 24 цагаар, үнэ төлбөргүй хүлээн авах, хүүхэд хамгааллын шуурхай тусламжийн үйлчилгээ үзүүлэх, хүүхдийн аюулгүй байдлыг хангах, хүүхэд хамгааллын хариу үйлчилгээ, түр хамгаалан байрлуулах, дараагийн үйлчилгээнд холбон зуучлах чиг үүрэг бүхий төрийн үйлчилгээний байгууллага юм.
Хүүхдийн тусламжийн 108 утасны үйлчилгээний төвд 2025 он гарснаар 1 сарын 31- ний өдрийг хүртэлх хугацаанд нийт 6532 дуудлага мэдээлэл бүртгэгдсэн. Үүнээс Хүүхэд хамгааллын, хүүхдийн эрхийн зөрчлийн 894 дуудлага бүртгэгдсэн бол шуурхай тусламжийн үйлчилгээ үзүүлж түр хамгаалах байранд нийт 94 хүүхдийг холбон зуучилжээ.
Хүүхэд хамгааллын, хүүхдийн эрхийн зөрчлийн 894 дуудлагыг ангилбал:
Гэр бүл дэх хүүхэд хамгаалал-785
Боловсролын салбар дахь хүүхэд хамгаалал-53
Эрүүл мэндийн үйлчилгээн дэх хүүхэд хамгаалал-1
Олон нийтийн арга хэмжээ, үйлчилгээн дэх хүүхэд
хамгаалал-44
Хүүхэд хамгааллын үйлчилгээний орчин-3
Хэвлэл, мэдээлэл, цахим орчин дахь хүүхэд хамгаалал-8 дуудлага бүртгэгдсэн байна.
Сэтгэгдэл (0)
Сэтгэгдэл бичигдээгүй байна