Төв Азийн аваргын бүсийн төлөөх "Night of Champions Ulaanbaatar-2025" тэмцээн өнгөрсөн амралтын өдөр Улаанбаатар хотноо Аса арена-д болж, МУГТ Э.Цэндбаатар ялалт байгуулж монгол түмнээ огшууллаа. Тэрбээр Мексик улсын тамирчин Педро Родригестой тулалдсан бөгөөд 6 дугаар үед буулган авсан юм.
Э.Цэндбаатар бол ОУ-ын мэргэжлийн боксын ээлжит тэмцээнийг, тамирчидтай нь хамт эх орондоо авчирч амжилттай зохион байгуулж чадсан шаливхан залуу. Түүнд бүдрэх чулуу, асах гэрэл бий.
Эл том тэмцээнийг эх нутагтаа авчирна гэдэг амаргүй ажил. Энэ үеэр Аса аварга Д.Дагвадорж тус тэмцээнийг өөрийн эзэмшлийн “Аса арена”-д үнэгүй зохион байгуул өгнө гэж ам гарсан хэдий ч угтаа тийм биш байсан аж. МУГТ Э.Цэндбаатараас түрээсийн мөнгө гэж 50 сая төгрөг авсан талаар лайвчин Ц.Мөнх-Эрдэнэ онцолжээ.
Олны нүүрэн дээр монгол залуучуудаа дэмжинэ гэх гоё чамин үгээр цэцэрхэх авч цаагуураа мөнгөө халааслаж суугаа аж. Хэдэн жилийн өмнө УИХ-ын гишүүн асан Ж.Мөнхбат, Ё.Баатарбилэг нар Э.Цэндбаатарт автомашин бэлэглэнэ гэж гурван жил хулхидаж, олны хэл аманд өртөж явсаар замхарсан. Худал амлалтандаа бялуурхсан тэдний эгнээнд Аса аварга нэгдсэн бололтой.
Асашёорюү Д.Дагвадорж Үндэсний циркийг 2008 онд хувьчлан авч “Аса” цирк болгон өөрчилсөн. Улмаар “Аса” циркийн үйл ажиллагааг 2020 онд хааж, “иж бүрэн засвар хийж, дэлхийн цирк болгоно” гэж амалж байсан билээ. Тэгвэл дөрвөн жил үргэлжилсэн “Аса” циркийн засвар шинэчлэлт дуусч үүдээ нээгээд буй.
Сэтгэгдэл (100)