ESL-ээс жил бүр зохиодог CS2 (Counter Strike 2)-ын томоохон тэмцээнүүдийн нэг "Intel Extreme Masters Katowice 2025" Польшийн Катовиц хотод үргэлжилж байна.
$1,000,000 шагналын сантай тэмцээнд уригдан оролцож playoffs шатанд нь шалгарсан анхны Ази баг болсон Монголын "The MongolZ" Туркийн "Eternal Fire" багтай тоглолоо.
#CS2 $1,000,000 шагналын сантай тэмцээний playoffs шатанд нь шалгарсан анхны Ази баг болсон тэд Туркийн багийг 2-0 хожсоноор Азийн багийн түүхэн амжилтаа дахин нэгээр ахиуллаа.
Хоёр баг өмнө нь дөрвөн тэмцээний хүрээнд таарч 12 map тоглосноос 7-д нь Баянбатын "maaRaa" Эрдэндалай дасгалжуулагчтай монгол залуус ялаад байсан юм. Туркийн нэр төр Eternal Fire Anubis map-д сүүлийн найман удаагийн тоглолтдоо хожигдоод байв.
Ийнхүү The MongolZ хагас шигшээ шатанд дэлхийн аварга Францын "Team Vitality" багтай өнөөдөр 22:45 цагт тоглохоор боллоо. Хоёр баг өмнө "IEM Rio 2024" тэмцээний хүрээнд таарахад 0-2 харьцаагаар Францын баг хожиж байв.
Сэтгэгдэл (0)
Сэтгэгдэл бичигдээгүй байна