Дулааны дөрөвдүгээр цахилгаан станц 69.1 сая төгрөгөөр өндөг авах тухай тендерийг өчигдөр буюу /2025-02-19/-ний өдөр зарласан байна.
Тодруулбал, дээрх өртгөөр 116,700 ширхэг өндөг авахаар тусгажээ. Тооцоолон үзвэл нэг бүрийн үнэ 524 төгрөг байх аж.
Тухайн тендерийн материалыг ДЦС-4 ТӨХК-ийн гүйцэтгэх захирал Ү.Төмөрхуяг баталсан бөгөөд ТЭЗҮ-дээ гэрээ байгуулсан долоо хоногоос эхлэн 12 сарын туршид захиалсан хугацаанд нийлүүлж байхыг дурджээ.
Уг тендерт хамаарах мөнгөн дүнг тухайн байгууллага өөрийн хөрөнгөөс гаргах ба тендерийн материалыг энэ сарын 26-ны өдөр хүртэл хүлээн авах юм байна.
Үндэсний статистикийн хорооноос долоо хоног бүр гаргадаг гол нэрийн барааны үнийн мэдээллээс харахад /2025-02-17/-ны байдлаар нэг ширхэг өндөг 623 төгрөгийн үнэтэй байна.
Сэтгэгдэл (0)
Сэтгэгдэл бичигдээгүй байна