Гандантэгчэнлин хийдийн Тэргүүн их хамба лам, хамба номун хан, гэвш лхаарамба Д.Жавзандорж Гэгээн ширээт улсын тэргүүн Пап Францист бараалхжээ.
Уулзалтын үеэр Хамба номун хан Д.Жавзандорж хүн төрөлхтний ёс суртахуун, шударга ёс, тэгш боломж, хүний хөгжил, сайн сайхны төлөө шашин хоорондын яриа хэлэлцээ, хамтын ажиллагааг бэхжүүлэхийн ач холбогдлыг онцолсон байна.
Гэгээн ширээт улсын тэргүүн, Пап Францис монголчууд 1990-ээд оноос уламжлалт шашнаа сэргээн, улс орноо ардчиллын замаар хөгжүүлж буйг онцлон, шударга ёс ба иргэдийн оролцоог баталгаажуулсан нийгмийг бүтээн байгуулахад шашны гүйцэтгэх үүргийг чухалчилсан хэмээн Монголын Бурханы Шашинтны Төв Гандантэгчэнлин хийдээс мэдээллээ.
Сэтгэгдэл (0)
Сэтгэгдэл бичигдээгүй байна