15 спорт холбоо 10 хоногийн дотор улсын аваргуудаа тодруулах Холбоодын нэгдсэн УАШТ энэ жил дөрөв дэх жилдээ зохиогдох гэж байна. Энэ жилийн Холбоодын нэгдсэн УАШТ-ий хөтөлбөрт Монголын ТОП спортын төрлүүдийн нэг жүдо бөх багтсан нь гол онцлог юм.
Холбоодын нэгдсэн УАШТ-ий эхний гурван өдөр буюу нэгдүгээр сарын 10-12-ны өдрүүдэд Монгол бөхийн өргөөнд жүдо бөхийн эрэгтэйчүүдийн 48, эмэгтэйчүүдийн 33, багийн 11 дэх УАШТ зохиогдох болно.
Тэмцээний эхний өдөр эрэгтэйчүүдийн 73, 90, -100, +100 кг, эмэгтэйчүүдийн 57, 70, -78, +78 кг-ын барилдаанууд явагдана. Харин хоёр дахь өдөр эрэгтэйчүүдийн 60, 66, 81 кг, эмэгтэйчүүдийн 48, 52, 63 кг-ын барилдаанууд, сүүлийн өдөр холимог багийн тэмцээн явагдах хуваарьтай байна.
20 мянган төгрөгийн үнэтэй тасалбараар 10 өдрийн турш үргэлжлэх Холбоодын нэгдсэн УАШТ-ий бүх тэмцээн уралдааныг үзэх боломжтой бөгөөд тасалбарыг өнөөдрөөс shoppy.mn-ээр борлуулж эхлэх юм байна.
Сэтгэгдэл (0)
Сэтгэгдэл бичигдээгүй байна