Г.Жамц мөнгөн медаль авснаар ДАШТ-нээс 4 дэх медиалаа хүртлээ

Г.Жамц мөнгөн медаль авснаар ДАШТ-нээс 4 дэх медиалаа хүртлээ.

“Мустанг центр”, “Мон-Алтиус” БТДС, “Perfect body” клубын тамирчин, Биеийн тамир спортын тэргvvний ажилтан, Олон улсын хэмжээний мастер, Азийн аваргын хvрэл, Дэлхийн аваргын мөнгөн медальт Г.Жамц нь Говь-Алтай аймгийн Төгрөг суманд төрсөн.

1998 онд "Мон-Алтиус" биеийн тамирын дээд сургуульд элсэж орсон цагаас бодибилдингийн спортыг сонирхож эхэлжээ. Хоёрдугаар курст байх үеэсээ "Мустанг" клубт дасгал сургуулилтаа хийж, сургуулиа төгссөнөөс хойш тууштай хичээллэх болсон байна.
Анх "Мустанг" клубийн нэг жилийн ойн нэрэмжит тэмцээнд, Н.Баясгалан дасгалжуулагчтай оролцжээ. Түүнээс хойш "Оюутан мистер", "Зэвсэгт хүчний аварга", УАШТ-үүдэд тасралтгүй оролцсон буй. 

2002 оноос эхлэн багш, дасгалжуулагчийн ажлыг хийж эхэлсэн. Багштайгаа хамтарч, багшийнхаа фитнесийг ажиллуулж байх үедээ өөрийн гэсэн фитнес клубтай болох хүсэлдээ хөтлөгдөн 2012 онд найзтайгаа хамтарч, “Perfect body” фитнес клубыг байгуулсан байна.