Монгол залуус “CS2” тоглоомын “Thunderpick” ДАШТ-д түрүүлж, 500 мянган долларын эзэн боллоо

Цахим спортын CS2 төрлөөр Азидаа нэгээр бичигддэг "The MongolZ"-ынхон Герман улсад зохиогдсон “Thunderpick World Championship 2024” тэмцээнд түрүүлж, 500 мянган долларын эзэд боллоо. Тэд тэмцээний хамгийн хүчтэй өрсөлдөгчид болох Heroic-той шигшээ тоглолт BO5 цуврал хийж 3-1 харьцаатай торох юмгүй илүүрхлээ. Тус тэмцээн Германы Берлин хотод зохиогдсон ч Монголдоо байгаа юм шиг дэмжигчид олонтой финал болж өнгөрчээ. Мөн тэд дэлхийн чансааны 5-р байрт бичигдэж байна.