ТОДРУУЛГА: Цахилгааныг 29.6, дулааны үнийг 42.6-85 хувиар нэмэгдэнэ гэх мэдээлэл баталгаатай биш

11 сарын 1-нээс цахилгааныг 29.6, дулааны үнийг 42.6-85 хувиар нэмэгдэнэ гэх мэдээлэл өчигдөр хэвлэлээр мэдээлсэн. Энэ мэдээллийг олон иргэд бухимдан хүлээн авч байна. Тэгвэл энэ талаар бид Эрчим хүчний зохицуулах хорооны мэргэжилтэн Д.Энхтүвшинээс тодрууллаа

 Тэрбээр, “Цахилгаан, дулааны үнийг нэмэх олон хувилбарт тооцоолол бид гаргасан. Үүний нэг бол цахилгааныг 29.6, дулааны үнийг 42.6-85 хувиар нэмнэ гэх өчигдөр гарсан мэдээлэл юм. Хэп хэдэн хувилбар яригдаж байгаа. Эндээс хамгийн боломжит хувилбарыг сонсож батална. Хэдэн хувиар нэмэгдүүлэх тухай эцсийн шийдвэрийг арван нэгдүгээр сарын 1 буюу баасан гарагт мэдээлнэ” гэв.