Монгол Улсын Засгийн газар “Төрийн үнэт цаас хэвлэл” төрийн өмчит ХХК-ийг гадаад паспорт шинэчлэн хэвлэх зорилгоор тогтоол гарган 2023 онд анх байгуулж байв. Төрийн оролцоо нь 51, хувийн компанийн оролцоо 49 хувь.
Энэ 49 хувийн цаана нь одоогийн гадаад харилцааны сайд Батцэцэг бий. Архи тамхины онцгой албан татварын акциас эхлээд сонгуулийн хуудас гээд төртэй холбоотой үнэт цаас бүрийг шүүрч, булааж эзэрхийлж хэвлэдэг Мөнхийн үсэг тэргүүтэй өчнөөн компанитай Гадаад харилцааны сайд Б.Батцэцэг. Одоо хамаарлыг нь хэлж өгье.
“Төрийн үнэт цаас хэвлэл” компанийн 49 хувийг эзэмшигч нь Мигасон гэх компани. Энэ компанийн захирал нь Б.Батцэцэгийн “Мөнхийн үсэг” тэргүүтэй компаниудын хуулийн зөвлөхөөр ажиллаж байсан Цэрэндолгор гэх эмэгтэй. Н.Цэрэндолгор нь мөн Б.Батцэцэгийн хүү Соджамцын үүсгэн байгуулсан "Ви Эс Ви” компанид гүйцэтгэх захирлаар ажиллаж байсан.
Тэр ч бүү хэл Төр хувь хамтарсан “Төрийн үнэт цаас хэвлэл” төрийн өмчит ХХК-ийн гүйцэтгэх захирал нь мөн л Б.Батцэцэг сайдын хамаарал бүхий хүн болох Ариунгэрэл. Энэ эмэгтэй төрийн өмчит "Төрийн үнэт цаас хэвлэл” компанийн захирал болохоосоо өмнө Б.Батцэцэгийн хувийн “Монголын Үнэт цаас хэвлэл” компанийн захирлаар ажиллаж байсныг сэтгүүлч С.Буддрагчаа баримт нотолгоотой дэлгэсэн.
Б.Батцэцэг сайд АТГ-т хөрөнгө орлогын мэдүүлэгтээ “Монголын Үнэт цаас хэвлэл” компанид хувь эзэмшдгээ тодорхой биччихсэн байдаг. Төрийн өмчит үнэт цаасны компани дахь Б.Батцэцэгийн хамаарал бөгөөд хаанчлал ингээд дуусахгүй.
Үндэсний аудитын газраас УБЕГ-т хүргүүлсэн санхүүгийн тайлангийн Зөрчлийн нэгтгэл хэсгийн 5-д г анзаараад харвал Төрийн үнэт цаас хэвлэл төрийн өмчийн оролцоотой компанийн ТУЗ-ийн гишүүнээр 2023 оны дөрөвдүгээр сарын 6-ны өдөр О.Амартүвшин, Р.Алтан-Өлзий нар бүртгэгдсэн байна.
Эдгээр хүмүүс нь 2024 онд төрийн өмчит “Төрийн үнэт цаас хэвлэл” компанид үндсэн ажилтнаар ажиллаж нийт 109.829.000 төгрөгийн цалин авсан мөртлөө нэмж ТУЗ-ийн гишүүний цалин хэмээн 40.783.000 төгрөгийн цалинг давхардуулан авсан байдаг.
Гэтэл Р.Алтан-Өлзий нь “Мөнхийн үсэг” компанид олон жилийн турш дизайнераар ажиллаж байжээ. Мөн энэ компанийн санхүүжилтээр Сингапур улсад мэргэжил дээшлүүлж байсан хүн байх жишээний. “Төрийн үнэт цаас хэвлэл” төрийн өмчит ХХК-д Гадаад харилцааны сайд Б.Батцэцэгийн хүмүүс дураараа дургиж, дунд чөмгөөрөө жиргэж байна.
Хамгийн сүүлийн ноцтой баримт гэхэд Б.Батцэцэгийг хүн гэддэг Э.Ариунгэрэл 24 тэрбумын худалдан авалтыг хаяггүй, оффисгүй “Жордан топпер трейд” компанитай хийчихсэн байна. Ер нь Монголын төр Б.Батцэцэгийн бизнест, “Мөнхийн үсэг” компанид ямар өртэй болоод иргэдийнхээ хамаг нууц бүхнийг хадгалдаг, төртэй хамаатай бүх л үнэт цаасны тендерүүдийг базуулаад сууж байна вэ.
Сэтгэгдэл (0)
Сэтгэгдэл бичигдээгүй байна