Нийтлэгч Үүрийнтуяа Олон улсын эрүүгийн шүүхээс өнгөрсөн есдүгээр сард ОХУ-ын Ерөнхийлөгч Владимир Путинийг айлчлах үеэр Монгол Улсыг баривчлаагүй хэмээн буруутгаж, арга хэмжээ авахаа мэдэгдсэн. ОХУ-ын төрийн тэргүүнийг 2022 онд Киев рүү халдаж, Украины хүүхдүүдийг хууль бусаар албадан гаргасан гэх үндэслэлээр Гаагиийн шүүхээс баривчлах тогтоол гаргаад байсан ч есдүгээр сарын эхээр Олон улсын эрүүгийн шүүхийн гишүүн орон болох Монголд айлчилсан.
Олон улсын эрүүгийн шүүх “Путинийг өөрийн нутаг дэвсгэр дээр байхад нь баривчилж, шүүхэд хүлээлгэж өгөөгүй нь Монгол Улс хамтран ажиллах зорилгоо биелүүлээгүй гэж үзсэн” гэж үзсэн. "Оролцогч улсууд болон Ромын дүрмийг баталсан улс орнууд албан тушаал, харьяалал харгалзахгүйгээр Олон улсын эрүүгийн шүүхийн дүрэм, журмын хүмүүсийг баривчлах, хүлээлгэн өгөх үүрэгтэй" гэж тус шүүхийн шүүгчид үзжээ.
Шүүгчид “Монгол Улс Шүүхтэй хамтран ажиллахгүй байгаа нь ноцтой тул асуудлыг Оролцогч орнуудын Ассамблейд шилжүүлэх шаардлагатай гэж Танхим үзсэн” хэмээсэн байна.
Олон улсын шүүх 2023 оны гуравдугаар сард Путинийг баривчлах тушаал гаргасан. Путин Украины хүүхдүүдийг Орос руу хууль бусаар албадан гаргасан дайны гэмт хэргийн хариуцлагыг хүлээнэ гэж үзэх “үндэслэлтэй” гэж мэдэгджээ.
2022 онд Оросын зэвсэгт хүчин тус улсын нутаг дэвсгэрт хяналтаа тогтоосны дараа Украины олон мянган хүүхдийг асрамжийн газар болон бусад төрийн байгууллагуудаас албадан гаргасан гэж Киев мэдэгдээд байгаа билээ. Орос зарим хүүхдүүдийг хамгаалахын тулд тулалдаанд ойр байсан бүс нутгаас нүүлгэсэн гэж мэдэгдээд байгаа билээ.
Сэтгэгдэл (0)
Сэтгэгдэл бичигдээгүй байна