“BRABUS Signature night 2024” автомашины загварын шоу өнгөрсөн амралтын өдөр болж цахим хэрэглэгчдийг шуугиуллаа. Тус загварын шоу нь Английн өндөр хүчин чадалтай автомашины Brabus GmbH нэртэй 1977 онд байгуулагдсан компаниас үүсэлтэй. Тухайн компани нь автомашины моторын хүчийг нэмэгдүүлэх зорилготой үйл ажиллагаа явуулдаг. Өөрөөр хэлбэл үйлчлүүлэгчид өөрийн машинаа Brabus-аар хүчин чадлыг нь нэмэгдүүлдэг, эсвэл Брабус Мерседесээс тодорхой загварыг худалдан авч, үйлчлүүлэгчийн хүсэлтийн дагуу өөрчилж болдог гэсэн үг юм. Түүнчлэн зөвхөн мотор төдийгүй, машины гаднах их бие, загвар, обуд, уралдааны LSD , нээлттэй уралдааны яндангийн систем, арван хоёр пүршний дискэн тоормос, хөдөлгүүрийн зураглал зэргийг шинэчилж болно. Тус компани нь Mercedes-Benz, Maybach, Rolls-Royce, Porsche, Smart автомашины тусгай хувилбаруудыг үйлдвэрлэдэг юм. Тиймээс тэдний загварын шоуг эдгээр брэндгүйгээр төсөөлөх боломжгүй.
Signature Night 2024 нь тансаг байдал, дизайн, инновацын гайхалтай үзүүлбэр болж, ирэх жилийн брэндийн захиалгат бүтээлүүдийг дэлгэсэн юм. Үзэсгэлэнд зөвхөн автомашины санал болгоод зогсохгүй домогт загвар зохион бүтээгч Жефф Хэмилтонтой хамтран урласан хязгаарлагдмал тооны савхин хүрэм зэрэг BRABUS-ийн шинэ хувцасны цуглуулгыг танилцуулав.
Сэтгэгдэл (0)
Сэтгэгдэл бичигдээгүй байна