“Тусгай салаа” киноны Сүлдийн дүрээр олонд танигдсан жүжигчин А.Алтанхуяг удахгүй луугийн аав болох нь ээ. Тэрбээр хэдхэн хоногийн өмнө дуучин П.Ундралын хоёр ихрийн нэг насны төрсөн өдрийн нижгэр баяр дээр хөл хүнд эхнэрээ дагуулан иржээ. Тэрбээр уран бүтээлээсээ түр чөлөө авч, сургууль соёлын мөр хөөж өөрийгөө хөгжүүлэхээс гадна хувийн амьдралаа төвхнүүлээд завгүй байгаа бололтой. Удахгүй хүсэн хүлээсэн үрийнхээ аав ээж болох гэж байгаа хосуудад азжаргал ерөөе.
Жүжигчин А.Алтанхуяг нь хоёр жилийн өмнө МУСТА цол тэмдгээр энгэрээ шагнасан. Тэрбээр 2008 онд СУИС-ийг төгссөн. 13 жил урлагийн салбарт ажиллаж, зүтгэснийг нь төр засаг өндрөөр үнэлж, МУСТА цолоор шагнасан байдаг. Тэр өнгөрсөн хугацаанд “Үндэсний баялаг”, “Галзуу зугаалга”, “Цасан хүн” зэрэг кинонд гол болон туслах дүр бүтээсэн бидээ.
Сэтгэгдэл (0)
Сэтгэгдэл бичигдээгүй байна