Өмгөөлөгч Р.Булгамаа өөрийн цахим хуудаснаа нэгэн мэдээллийг орууллаа. Тэрбээр, "Залилагчдад хамаг хөрөнгөө алдаж, эцэст нь юу ч үгүй, өрөнд баригдаж үлдсэн гэр бүл эцэст нь амиа хорлосон хэрэг гарсан байдаг. Залуухан эхнэр нөхөр хоёр бага насны хоёр хүүхэдтэйгээ амиа алдсан байсан хэргийн газар дээр цагдаа нар очсон.
Хэрэг яаж шийдэгдсэн бэ гэхээр залилагч этгээдүүд залилсан хэрэгтээ л ял сонссон. Бүхэл бүтэн гэр бүл, тэр дундаа өөрийгөө хамгаалах эрх зүйн чадамжгүй хоёр жаахан хүүхэд хүртэл амиа алдсан хэрэгт тэд хариуцлага хүлээгээгүй. Өнөөдрийн манай хууль нь ийм. Хэрэгтнүүд залилсан хэрэгтээ л тав гурван жилийн ял аваад явсан, удахгүй тэд гарч ирнэ. Харин тэдний хөрөнгийг нь залилж, гэр бүлээр нь "хүйс тэмтэрсэн" хохирогчид, тэдний ар гэр насан туршдаа хохирсоор үлдэнэ.
Залилагчид өнөөдөр монголчуудыг залгиж байна. Залилагчдад бусдын үхэх, сэхэх түй ч хамаагүй. Өнөөдөр залилангийн үй олон төрөл бий болж, бусдыг хохироож байна. Алхам бүртээ хянамгай, хэрсүү л байх ганц найдвар л байна" гэж бичжээ.
Сэтгэгдэл (1)