"I pad air 4, I Phone 16 promax" загварын гар утас дээрэмдсэн бүлэг этгээдүүдийг баривчилжээ

Цахим орчинд “Nasan Bro” гэх хаягтай эрэгтэй үл таних хүмүүст эд зүйлсээ дээрэмдүүлсэн талаарх мэдээлэл өнгөрсөн амралтын өдөр нийтлэгдсэн. 

Тус мэдээллийн дагуу шалгалтын ажиллагаа явуулахад "I pad air 4, I Phone 16 promax загварын гар утас зарна” гэх зарын дагуу ирсэн 26-28 насны бүлэг 5 этгээд иргэн 20 настай “Б”-г автомашинд суулган хутга тулган дээрэмдсэн байж болзошгүй нь тогтоогдсон байна. Улмаар дээрх этгээдүүдийг Чингэлтэй дүүргийн нутаг дэвсгэрт байрлах дэн буудлаас олж тогтоон цагдан хорих таслан сэргийлэх арга хэмжээ авлаа. 
Шалгалтаар сэжигтэй этгээдүүд нь энэ оны 9, 10 дугаар сард Сүхбаатар, Чингэлтэй, Сонгинохайрхан дүүргүүдийн нутаг дэвсгэрт 4 удаагийн үйлдлээр дээрэмдэх гэмт хэрэг үйлдсэн болохыг тогтоон мөрдөн шалгах ажиллагааг үргэлжлүүлэн явуулж байна.