Цахим сүлжээний хэрэглэгчид олны танилуудын зан харилцааг ингэж шүүмжилж байна

Олны танилууд болох дуучин, спортын тамирчид, жүжигчдийн зан харилцаа, бүдүүлэг байдлын тухай яриа их гардаг. Тэгвэл цахим сүлжээний платформд болох Thread дээр олны танилуудыг үйлчилгээний ажилчидтай хэрхэн бүдүүлэг харилцаж байсан талаар шүүмжилж, сэтгэгдэл үлдээсээр байна. Тухайн платформд хэдэн зуун шүүмжилсэн сэтгэгдлүүд байгаа ба онцлох хэдийг хүргэе.

• 1.Одоогоос 5 жилийн өмнө би хэрэглэгчийн үйлчилгээний судалгааны ажил хийдэг байлаа. Нэг удаа "Хэцүү анги" кинонд тоглодог жүжигчин Э.Уянга гээд эмэгтэй Home plaza-н Little sheep ресторанд дүүтэйгээ орж ирж билээ. Дүү нь тэкен дээр ирэх үед “Танд манай үйлчилгээ таалагдсан уу? Юу сайжруулмаар байна” гэж асуухын завдалгүй гүйж ирээд “Чи гуйлгачин. Манай дүүтэй ярьдаг хэн бэ!” Гээд баахан доромжилж билээ.
• 2.Фантастикийн М.Баярбат нэг эмэгтэйтэй орж ирж байсан юм. Тэгсэн тэрэндээ гоё харагдах гэсэн юм уу. Томроод салдаггүй. Үндсэн хоол нь 15-20 минутад гардаг юм. Шэйр том хоол захиалж байж 5 минут ч болоогүй байхад хоол хаана байна гээд уурлаад байсан. Тооцоогоо хийх болоод картыг нь авах гэсэн чинь ширээн дээр шидэж өгсөн.

• А.Хишигдалай бол үнэхээр харилцаа муутай хүн байна билээ. Хэдэн жилийн өмнө манай дэлгүүрт орж ирээд үүдний ATM-с мөнгө авах гэж байсан юм. Тэгсэн манай ажлын хүнээс энэ ажиллаж байгаа юм уу? Гээд асуухад нь “Юу гэнэ ээ” гээд асуусан чинь дүлий юм уу гээд гараад явсан.

• 2019 оны 12 дугаар сард төрөх дөхсөн том гэдэстэй байхад найзуудтайгаа хоол идэхээр гарсан. Тэнгисийн Holiday гээд байдаг Хятад хоолны газар уулзахаар болов. Тэгээд таксинаас буугаад гулгаатай шатаар өгсөж байхдаа халтираад унах гэж байхад өндөр залуу тэврээд авсан. Гайхаад босож ирээд хартал жүжигчин Э.Одбаяр байсан. Яаана аа эгч ээ уналаа шүү дээ” гээд сандарчихсан нулимс нь цийлгэнээд зогсож билээ. Бүүр ресторан ортол тас тэвэрч барьсаар байгаад оруулж өгч билээ. Ёстой хайр ундарсан даа. Боломж олдвол заавал баярлалаа гэж хэлнэ дээ. Хүү минь чиний ачаар мэнд байгаа шүү гэж хэлмээр санагддаг.

• Би яаж энэ хүнийг мартаж чадав аа. Хамгийн балиар ааштай нь жүжигчин Ц.Алдармаа. Орж ирээд цэнэглэгч нэхээд “байхгүй” гэсэн чинь “яахаараа байдаггүй юм, олж ир” гэсэн. Тэгээд шүүхээ руу гүйгээд өөрийнхөө цэнэглэгчийг өгтөл захиалгаа өгөх гэж удаад байсан. Тэгээд за харж байгаад захиалга өгнө байх гээд өөр ширээн дээр хальт очоод ирсэн чинь “хажууд байж бай” гээд тэнэгтсэн. Тэр үеийн Harf rock-н steak хатуу гардаг. Дээш нь зөндөө хэлээд шийдэж өгдөггүй их гомдол орж ирдэг байсан хоол. Тэгээд тогоочдоо сайн хийгээрэй гээд хийлгэсэн чинь хоолыг маань голоод. Гурван удаа хоолоо солиод. Хутга сэрээгээ шидээд “менежер ээ дууд” гээд. Менежер маань Филиппин хүн учраас ойлголцоогүй би тайлбарлаад хоолоо сольсон. Тэгснээ менежерт худлаа үнэн юм ярьсаар байгаад 4.5 уулаа орж ирсэн тооцоогоо нэгийг нь ч хийхгүй, миний цэнэглэгчийг аваад гараад явчихсан. Тэгээд найзууддаа надад томорч, гарын аясаар “хөдөлгөж байгаа биз дээ” гээд байсан. Ёстой тэнэг хүн байна билээ.

• Жүжигчин Ц.Алдармаа Хөвсгөл аймагт Эхиймаа гээд киногоо гаргахаар очоод, миний ажилладаг байсан ресторанд орж ирсэн. Тэгээд намайг дуудсанаа “Машинаас очоод тамхи аваад ир. Онгойлгож чадна биз дээ” гэж хэлсэн.

• Би оюутан байхдаа амралтаараа Камертон хамтлагийн Л.Ган-Эрдэнийд хүүхэд асрагч хийдэг байлаа. Ёстой үнэхээр хүнтэй муухай харилцдаг хүн байсан. Эхнэр нь Жигүүр грандын эзнийх нь охин. Уг нь хүүхэд асрагч мөртөө хамаг юмыг нь хийдэг. Хоол унд хийх, хувцас угаах, индүүдэх, нойл цэвэрлэх гээд өглөө 07:00-22:00 цаг хүртэл борви бохисгүй ажилласан. Би бүүр үнэхээр ядраад 7 хоног ажиллаад цалингаа авах гэтэл “Чи ядаж 3 сар ажиллах ёстой” гэсэн. Миний ажилласан цалинг өгөөгүй юм даа.

Энэ мэтчилэн цахим сүлжээнд олны танилуудыг үйлчилгээний ажилтан, иргэдтэй хэрхэн харилцсан талаар эерэг болон сөрөг сэтгэгдлүүд олон хөвөрч байна. Эдгээр сэтгэгдлүүдийг уншсан нетизенүүд “Олны танил болохоороо бусадтай яаж ч харилцаж болно гэж боддог бололтой. Бие ээ авч явах соёлд анхаармаар юм” гэж бичиж байна. Интернэтийн тусламжтайгаар нууц гэх зүйл ховор болсон энэ цагт зөвхөн олны танил бус хүн бүр бие ээ зөв авч явах, харилцааны соёлтой байх шаардлага тулгарсан болохыг эдгээр шүүмжлэлээс харж болно.