Халдварт өвчин судлалын үндэсний төвөөс гаргасан мэдээллээр, 2025 оны наймдугаар сарын 22-ний байдлаар улаанбурхан өвчний нийт батлагдсан тохиолдол 13378 болжээ.
Нийт нөхцөл байдлын хувьд эдгэрсэн 13331, гэрээр эмчлүүлж буй 9, нас барсан 10 болжээ. Харин хавьтал болсон нийт 96794 хүн байгаа аж. Насны бүлгээр өвчлөл хамгийн өндөр байгаа нь 10-14 насны хүүхдүүд бөгөөд тэдний өвчлөл 5031 хүрсэн байна. Мөн 0-4 насны 3042, 5-9 насны 1722 хүүхэд улаанбурханаар өвджээ.
Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Тус өвчнөөс урьдчилан сэргийлэх хамгийн үр дүнтэй арга бол хоёр тунт вакцин тул иргэдийг дархлаажуулалтад хамрагдахыг албаныхан уриалж байна.
Сэтгэгдэл (0)
Сэтгэгдэл бичигдээгүй байна