УИХ-ын гишүүн Н.Номтойбаяр цаг үеийн асуудлаар мэдээлэл хийлээ. Тэрээр "МУ-ын ерөнхий сайд Л.Оюун-Эрдэнийг олон нийтийн зүгээс “Орлогоо нотол”, МУ-ын Ерөнхийлөгч “Ажлаа өг” хэмээн шаардлага тавьсан юм. Тус асуудлуудтай миний хувьд санал нэг байна. Ардчилсан намыг засгаас хөөвөл би ажлаа өгнө хэмээн МУ-ын Ерөнхий сайд Л.Оюун-Эрдэнэ МАН-ын бага хурал дээр мэдэгдсэн. Гагцхүү ажлаа өгөхдөө төрд үүссэн ноцтой хагарал, задралуудыг эргэн санаж төрд хагарлын хар мөр үлдээхийг бид хэрхэн ч зөвшөөрөхгүй. УИХ-ын дарга Д.Амарбаясгалангийн удирдлага, зохион байгуулалт дор УИХ-ын гишүүд нам үл харгалзан, ажил хэрэгч байдлаар ажиллаж байгаа энэ эвт тогтолцоог битгий эвдлээч хэмээн хүсэж байна.
МУ-ын Ерөнхий сайд Л.Оюун-Эрдэнэ нэр бүхий 11 гишүүнийг араас нь мөрдөж, ойр тойрны хүмүүсээс мэдүүлэг авч заналхийлсэн мэдээлэл байна
УИХ-ын гишүүд маш их айдаст автсан байна, эргэлзээнд орсон байна. Та бүхнийг хэний ч нөлөөнд үл автан Ерөнхий сайдыг огцруулах эсэх талаар шийдвэрээ гаргаасай хэмээн хүсэж байна" гэлээ
Сэтгэгдэл (0)
Сэтгэгдэл бичигдээгүй байна