Хуурамч 100 доллар солиулахыг завдсан хэрэг гарчээ

Энэ оны тавдугаар сарын 20-ний өдөр Баянзүрх дүүргийн нутаг дэвсгэрт байрлах “Шөнийн захын Хаан банк”-ны салбарт хуурамч 100 долларын дэвсгэрт солиулахыг завдсан гэх дуудлага, мэдээлэл цагдаагийн байгууллагад бүртгэгдсэн байна.

ЦЕГ-аас шалгалтын ажиллагаа явуулахад 24 настай, эрэгтэй Г нь тус банкны салбарт хуурамч 100 доллар солиулахыг завдсан нөхцөл байдал тогтоогджээ.

-5 доллароос эхлээд бүх мөнгөн дэвсгэрүүд усан тэмдэг хамгаалалтын утастай байдаг. Энэ нь гэрэлд маш сайн ялгарч харагддаг байна. 100 долларын шинэ дэвсгэрт "100" гэсэн тоо бүхий 3D хамгаалалтын туузтай. Мөн мөнгөн тэмдэгт нь цаасны хувьд нягт, хүрэхэд бага зэрэг барзгар байдаг байна.