Улсын харцага Г.Ганхуяг энэ сарын 12-ны өдөр ЗГХЭГ-ын дарга Н.Учрал, доктор Н.Тэгшбаяр нарын амь насанд заналхийлсэн утга бүхий пост оруулсан гэх үндэслэлээр ЦЕГ, ТЕГ-аас хойшлуулшгүй ажиллагаа явуулж нэг сарын хугацаатай хорьж мөрдөн шалгах ажиллагааг үргэлжлүүлж буй.
Эргэн сануулахад тэрбээр, "Үхэлтэй нүүр тулаад олны хандиваар арай гэж амьд үлдсэн хүмүүс сүнсээ худалдчихаад ирсэн байдгийг Н.Учрал, Н.Тэгшбаяр хоёрын жишээн дээр нүдээрээ харлаа. Хэнд ч хэрэггүй нууц төлөвлөгөө боловсруулж байгаад эх орноо зарсан, эх орноосоо урвасан, уран сурталчилсан, ураны хуулийг батлалцсан хэдэн мөнгөний боолуудыг амжиж хороочихоод бахархалтайгаар инээж үхнэ" гэх пост оруулж удалгүй устгасан байдаг.
Сэтгэгдэл (1)