10-аас дээш жилийн насжилттай машинд Улаанбаатар хотын дугаар олгохгүй, шилжүүлэхгүй

2025 оны 6 дугаар сарын 1-нээс эхлэн хэрэгжих шинэ журмын хүрээнд насжилт өндөртэй буюу үйлдвэрлэснээс хойш 10 жил явж буй машинд Улаанбаатар серитэй дугаар олгохгүйгээс гадна хотын серитэй дугаар шилжүүлхээргүй болжээ. 

Улаанбаатар хотод шинээр автомашинд улсын дугаар олгохдоо доорх шалгууруудыг тавьж хүсэлтийг  Улсын дугаар захиалга цахим системээр хүлээн авч буй.

1. Хөдөлгүүрийн экологийн ангилал: Тээврийн хэрэгслийн хөдөлгүүр нь Евро-4 эсвэл түүнээс дээш ангиллынх байх
2. Үйлдвэрлэсэн он: Сүүлийн 10 жилийн дотор үйлдвэрлэсэн буюу 2015 оноос хойш үйлдвэрлэсэн автомашинд дугаар олгоно
3. Техникийн хяналт:  Экспортын өмнөх техникийн үзлэгт хамрагдсан байх шаардлагатай
4. Цахим онооны систем: Дугаар олголт нь цахи системээр дамжуулан онооны дагуу эрэмбэлэгдэнэ. Энэ систем нь авто замынг төлбөр, торгууль даатгалын төлөв, тээврийн хэрэгслийн төрлүүд зэрэг олон шалгуурыг харгалзан үздэг болжээ.

Дугаар шилжүүлэх тухайд мөн л 2015 оноос хойш үйлдвэрлэсэн байх евро 4 болон түүнээс дээш ангилалтай байх зэрэг шалгуурыг тавьж байгаа аж. 

Энэ нь  хуучин тээврийн хэрэгсэлдээ У серийн дугаартай иргэнд хамаарахгүй хэдий ч дугаараа шилжүүлэх, эзэмшигч солих үед журам үйлчилж эхлэх юм.