Нийтийн тээврийн жолооч ажил үүргээ гүйцэтгэж, зорчигч тээвэрлэж явж байхдаа цус харваж, амиа алджээ.
Тодруулбал, Өчигдөр буюу гуравдугаар сарын 10-ны 19 цагт “Зорчигч тээвэр-1” ОНӨААТҮГ-ын жолооч 38 настай эрэгтэй БЗД-ийн 11-р хорооны нутаг дэвсгэрт автобусны бүхээгт амиа алджээ.
Нийтийн тээврийн камерын хяналтад жолоочийн бие хэвийн бус харагдсан тул хөдөлгөөнөө зогсоох чиглэл өгсөн. Улмаар жолооч хөдөлгөөнгүй болсон тул цагдаагийн байгууллагад хандсан байна.
Тус хэргийг Баянзүрх дүүргийн цагдаагийн гуравдугаар хэлтэст шалгаж байна.
Сэтгэгдэл (15)