Монгол Улсын Ерөнхийлөгч асан Ц.Элбэгдоржийн төрсөн ах Ц.Арсландоржийн хүү Даянтөмөр гэгч нь 3 хүний хамт Хятадын хоёр иргэнийг барьцаалж, нэгийнх нь амийг хөнөөсөн гэх онц ноцтой хэрэг өнгөрсөн арванхоёрдугаар сард гарсан.
Хэргийг тодруулбал, Дээрх этгээдүүд Бээжингээс ирсэн БНХАУ-ын хоёр иргэнийг Төв аймгийн Сэргэлэн сумын нутаг дэвсгэрт барьцаалж энэ хугацаандаа хохирогчийн ар гэрээс 1 тэрбум юань нэхсэн байдаг. Гэвч ар гэрийнхэн тус шаардлагыг хүлээн зөвшөөрөөгүй буюу мөнгө өгөхөөс татгалзсан тул гэмт этгээдүүд тухайн хятад иргэнийг толгойн тус газар буудаж амь насыг нь хөнөөжээ.
Тэгвэл уг хэргийг үйлдсэн хятад иргэн болон Даянтөмөр нарыг одоогоор 421-р ангид цагдан хорьж мөрдөн шалгах ажиллагааг үргэлжлүүлж байна.
Эх сурвалжийн мэдээллээр, Амь хохирсон хятад иргэний ар гэрийн мэдүүлэг болон хэргийн бусад материалуудыг БНХАУ-ын элчин сайдаар дамжуулан солилцож байгаа учир мөрдөн байцаах ажиллагаа удаашралтай явагдаж байгаа аж. Иймээс хэрэгт холбогдсон этгээдүүдэд Хан-Уул дүүргийн Эрүүгийн хэргийн анхан шатны шүүхээс цагдан хорих таслан сэргийлэх хугацааг сунгаж тэднийг хорьсон хэвээр байгаа аж.
Хуулийн заалтыг дурьдвал, Эрүүгийн хуулийн 10.1 дүгээр зүйлийн 2.1 дэхь хэсэгт "Хүнийг онц харгис хэрцгийгээ ралсан бол арван хоёр жилээс хорин жил хүртэл хугацаагаар, эсхүл бүх насаар нь хорих ял шийтгэнэ гэж заажээ. Мөн хуулийн 13.3 дугаар зүйл. 2.2 дахь хэсэгт хоёр, түүнээс олон хүнийг барьцаалж; 2.3-д "зохион байгуулалттай гэмт бүлэг үйлдсэн бол таван жилээс арван хоёр жил хүртэл хугацаагаар хорих ял шийтгэнэ" гэж тус тус заажээ.
Сэтгэгдэл (8)